Fshati zviceran që ofronte para për t’i shpëtuar boshatisjes, ka familjen e parë

 
Me shuma marramendëse të hollash, fshati Albinen me 240 banorë në Valis ka tërhequr banorë të rinj. Tani është bërë e ditur se një familje nga Kantoni Aargau është zhvendosur për Valis, transmeton Koha.

Oferta e fshatit nga fundi i vitit të kaluar shkaktoi reagime në mbarë globin tokësor: Ai i cili vjen për të jetuar në këtë fshat, do të pranojë një shumë të madhe të hollash. Personat individualë pranojnë 25.000 franga, ndërsa çiftet 50.000 franga. Në mënyrë shtesë, fshati paguan edhe për çdo fëmijë nga 10.000 franga, në mënyrë që të pengohet zhvendosja nga fshati. Tani, një familje nga Kantoni Aargau ka vendosur që prej 1 shtatorit të këtij viti të transferohet në Albinen.


Foto: Koha

Përpos kushteve të lartpërmendura, të ardhurit nuk duhet të jenë më të moshuar se 45 vite. Kjo ofertë është e vlefshme edhe për të huajt që janë në posedim të Vizës C.

-Jemi të lumtur për familjen që do të vijë - ka deklaruar kryetari i komunës Beat Jost për ‘Walliser Boten’.

Kërkesa e parë u miratua para një jave. Familja ka një fëmijë, ndërsa një tjetër pritet të lind në korrik, ka thënë Jost. Familja nga Aargau është duke e blerë një shtëpi në fshat, kështu që ajo do të pranojë 70 mijë franga. Ajo ka pasur gjithnjë dëshirë të ketë një shtëpi në afësri të natyrës dhe me këtë rast është përcaktuar për fshatin Albinen.

Ky është një fillim i mbarë për ne, ka pohuar Jost.

-Me një lëvizje të vetme, numri i fëmijëve tanë parashkollorë është dyfishuar. Shpresojmë të vazhdojë në këtë mënyrë - ka thënë ai.

 
Data e shpalljes 27.04.2018 në kategorinë Jeta
 
 

Lajme të ngajshme nga Fakultetet.al

Lajme të rekomanduara nga Facebook